Your Daily News

Phuba Laklet Nan Zawng Rual Thinrim Chuan Ui 250 Zet Inchhawng Sang Atangin An Namhlum!

0 1,893

Maharashtra State-ah zawng rual leh Ui rual thisen chhuaha indona a thleng tih hriat a ni. An inkar a inhriatthiamlohna leh indona thlen chhan ber chu ui rualten zawng note an sehhlum vang a ni.

Tualchhung mite sawidanin, ui rualten zawng note an sehhlum hnuah zawng rualte chu an thin a ur hle a, building chhawng sang tak takah zawng rual chuan ui an mante chu lawnchhohpuiin, lei lamah an paihthla ta zel a, tiang hian phuba lak nan ui 250 lai mai chu an tihlum hman a ni.

Tualchhung news pakhat News 18 in a tarlan danin, buaina chhuahna Lavool thingtlang khuaah hian ui pakhat mah hmuh tur an awm lo tih tarlangin, zawng rual thinrim chuan an that mang ta phiar tih a tarlang a ni.

Video Clip pakhata a landanin, Zawng pakhat chuan ui note a pawm a, inchhawng sang lawn chhohpui a tum lai chu ui dangten an um zui ve nghal a ni.

Zawngrualte hi an inveng uluk hle mai a, an inhumhalh luat na lamah mihringte pawh an bei mai thin a ni.

India ramah hian a hma kum engemawzat liam tawh atang khan zawngrualte hi an che na hle a, buaina an lo chawkchhuak fo tawh thin a ni. 2020 kuma Donald Trump-a’n India ram a tlawh tum pawh khan Police te chu sairawkherh kengin, zawngrualte thunun tura training pek an lo ni hial tawh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!