Your Daily News

‘Photo of The Year 2021’ Thlalak Rilru Khawih Leh Lungchhiatthlak Tak Phena Thil Inthup chu!

0 1,498

‘Photo of The Year’ Thlalak Rilru Khawih Leh Lungchhiatthlak Tak Phena Thil Inthup chu!

Thlalak rilru khawih leh lungchhiatthlak tak ‘Image of The year’ a an thlan hial phena thu inthup chu rinphak bakin a rapthlak a ni. Mi tam takin an nunna hlu tak an chan phah a nih kha!

Syrian civil war hun laia a ke an tanbunsak tak Manzur al-Nazzai chuan mipa naupang kut leh ke neilo a piang Mustafa a chawisan lai thlalak hian mi tam tak thinlung a tiruiral a, he thlalak hi Turkish Photographer Mehmet Aslan-a’n a lak kha a ni.

Manzur al-Nazzai leh mipa naupang Mustafa inpawm lai thlalak hi a title-ah “hardship of Life” tia dah niin Siena International Photo Awards chuan ‘Photo of The Year 2021’ ah a thlang hial a ni.

Aslan chuan he thlalak a pholan chhan leh a rilrua thil awmte sawichhuakin, naupangte hi tanpui ngai leh dimdawih taka enkawl ngai an nihzia a lantir tih a tarlang a ni. Manzur al-Nazzai leh a chhungte hian kum 3 liam ta khan Syria ram an tlansan a, tunah hian Turkey, Southern refugee camp ah an khawsa mek a ni.

Syrian tualchhung indona a sosan lai takin Syria hmarchhak, Idlib region ah mipa naupang Mustafa chu indona boruak rimchhe tak karah a lo piang a, a nu hi damndawi ruihtheih khawih ching a nih bawk avangin vanduaithlak takin ramtuileiloin a lo piangchhuak ta a ni. He mipa naupang kum 5 mi hian damdawi lam inenkawlna a la mamawh chhunzawm zel a, a dinhmun hi a lainatawm tak zet a ni.

Kum 10 liam ta a Syria rama indonnaah hian mi 500,000 in nunna an chan a, ramchhung mipui thahnem tak chuan Lebanon, Turkey, Jordan leh hmundangah te inhumhimna zawngin an tlandarh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!