Phone Charge Chunga Games A Khelh Mek Laiin Current In A Manhlum!
Tunlai khawvel finna thangchho mek karah phone changkang tak tak a lo chhuak mek zel a, mi tam tak chuan sumdawnna thilah leh kawng tam takah mobile phone te hi kan hmang nasa hle a ni. Mahse, heng smartphone te hi a hman dan dik tak leh a enkawldan dik kan hriatchian tawk loh avangin kan tan a him tawk lo fo a ni.
Mobile phone charger leh accesories dangte hi a original tih loh duplicate (third-party) kan hman fo avangin kan phone te a chhe hma duh a, kan nunna tan ngei pawh a hlauhawm thei a ni. Tunhnai deuhah pawh phone puakdarh, kang leh electrict current kalsual avanga nunna hloh ta tam tak sawi tur a awm tawh a ni.
Thailand ramah rawlthar kum 18 mi chuan a phone charge chung a Games a khelh mek laiin a phone a puakdarh thut mai a, he rawlthar kum 18 mi hi Current in man in a thi tih an sawi. Tualchhung Police ten thil awmdan enfiaha ruang an sawngbawl lai hian rawlthar kum 18 mi chu khumah a lo let reng a, a kutin phone a hum a, plug ah phone charger a in vit lut bawk tih an sawi.
Police te sawidanin, he rawlthar hian phone charge chunga games a khelh avangin current kalsualin a manhlum a nih an rin thu an sawi. A thih chhan dang lehah chuan, smartphone charger hi charger thalo (uncertified charger) a nih vangin, phone a vihluh a nih khan diklo awmin phone a puak darh ta a nih an ring bawk.
Phone puakdarh chungchang hi kan ramah pawh sawi tur a awm ta fo mai a, duh ai a rei games khelh nan phone kan hman hian a sat luat avangin a kang thei bawk a ni. Daily Mail in a tarlan danin, nu pakhat Alua Asetkyzy Abzelbek chu mu chunga phone a ngaihthlak laiin a phone a puak thut mai a, a tukah a mutna khumah thiin an chhar tih a tarlang a ni.
