Your Daily News

Phir Unau Chu An Pian Kum Bakah An Pian Ni Leh Thla Leh Hun A Dang!

0 1,178

California, Greenfield a khawsa nu pakhat chuan unau phir duhawm tak mai a hring a, a fate hi phir unau ni mahse an pian kum, ni leh thla te erawh a dang hlak thung. Phir unau te hi minute 15 kar danah an piang tih report chuan a tarlang a ni.

Phir unau te hi mipa leh hmeichhia an ni a, mipa zawk hi Alfredo tia a hming phuah a ni a, hmeichhia zawk chu Aylin tiin an ko thung. Phir unau upa zawk Alfredo chu 2021 December 31, zan Dar 11:45pm ah a piang a, a nau zawk hmeichhia chu kumthar January, 2022 12:00am a ri chiah tihah a piang ve leh a, unau ni siin an pian kum, ni leh thla leh hun pawh a hrang ta a ni.

Phir hringtunu Fatima Madrigal pawhin, a fate 2 phir unau te chuan pianchamphaphak a in ang lo an nei tur chu dangdai a tiin a lawm hle tih a tarlang ve bawk. Fatima leh a pasal Robert te hian fa 3 an nei mek a ni.

Fatima chu a fahrinna hmuna thawk nauchhartu pawhin a lawmpui thu sawichhuak vein, a hnathawh hun chhungah phir unau birthday in ang lo unau a tuamhlawm thei chu a thil tawn tawhah chuan thil chhinchhiah tlak tak leh hriatreng tlak a ni a ti ve bawk.

United States ah hian kum tin phir nuaikhat leh singhnih an piang ziah anga chhut a ni a, heng ho zingah hian pian ni leh thla leh kum a hrang nei erawh sawi tur an awm ngai hauh lo thung a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!