Your Daily News

Phir Unau Chhelo Takten An Hmangaih Ve Ve Avangin An 2 In Nupuiah A Nei, Tlangval Vannei Tak Zawng A Ni!

0 1,825

Khawvelah hian mi vannei leh thil tha tawngbaw ve hrim hrim hi an awm ngei a ni tih he tlangval vannei hian a rawn tilang chiang viau awm e.

Thailand ram, Ban Phaeo District a khawsa tlangval vannei tak Wichai kum 24 mi chu nula phir unau chhelo takten an duh ve ve tlat avangin nupuiah an 2 in a nei tih hriat a ni. Pakhat zawk thlauhthlak a pakhat chauh nupuia neih chu an rilru tihnat a hlau pawh a ni mahna!

Mr. Wichai nupui te hming chu Thiphawan leh Sirinthara niin, an unau hian an hmelhmang pawh a in ang hle mai a, hriathran har khawpin an in ang tih an sawi.

Wichai leh a nupuite 2 phir unau hian room an nei hrang ve ve a, in pakhatah chhungkua angin awm khawm bawk mahse, zan lamah erawh unau 2 te hi an room-ah a hranin a va kan thin a ni.

Media lamin zawhna an zawhnaah, phir unau nula 2 te hi an hmel leh pianzia a in an ang bawkin an ngaihtuahna pawh a in ang hle a, kawng engkimah an inhmangaihin thenhran theih an ni hauh lo a ni. Hei vang tak hian Mr. Wichai tan pawh an 2 a nupuia neih law law chu a finthlak zawk a ni.

Wichai chuan a nupui 2 te tan an kawtkaiah sumdawnna siamsakin, an 2 chuan dawr tê an nghak ve thin a, naupan lai atang tawha lo inkawma engkim lo tidun thin unau 2 te chuan lungawi takin mipa pakhat Wichai chu pasal tan an pawm hahdam thiam em em mai a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!