Your Daily News

PHILIPPINE CHHIMLAMA BIAKINAH BOMB A PUAK

0 346

Philippine chhim lama biakin pakhatah January 27 khan bomb pahnih a puaka mi 21 a thi a, tin hemi bomb puahna hmun hi Muslimho chenna hmun a ni tih Philippine sipaite chuan an sawi. Hemi thilthleng hi Muslimhoten anmahni a inawp tura mipui vote an lak zawh chiaha thil thleng a ni.

January 27 zing lam khan Julo khuaa Catholic biakina an inkhawm lai takin bomb hmasa chu a rawn puak ta a ni. Chumi hmunah securityte an rawn thleng ta hlawm a, a rawn thlen hnu lawkah chuan car parkna hmunah bomb pahnihna chu a rawn puak leh tih sipai ho tu Gary chuan a sawi.

Hei hi buaina zawngtute thiltih a ni a, remna hi an duh thlawt lo tihna  a ni tiin Gary chuan a sawi. He bomb pahnih puak avang hian mi 50 ten hliam natak an tuar a, a titute hi kan chhuichhuak anga dan angin kan hrem ngei tur a ni tih Philippine defense minister Delfin Lorane chuan  a sawi.

source ‘mizzima’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!