Kar liam taa NBA Finals Game 4 neih lai khan MMA fighter Conor McGregor chu hmeichhe pawngsualtuah puh a ni. Mahse, he an puhna hi UFC star chuan thubelhchian dawl lo a ni a ti ve thung.
Pawngsual tawktu nia insawi hmeichhia leh McGregor te hi Kesaya Center ah an inhmu niin he hmeichhia hian a sawi a , security lam chuan McGregor’an hmuh a duhthu chu he hmeichhia hi an va hrilh niin an sawi.
Pawngsual tuartu nia insawi hian Bathroom chhungah McGregor’an a zahmawh fawhsak turin a nawr tih a sawi a, tihluinain a fawh bakah bathroom bangah na taka nawrbetin a khawihbuai niin a sawi a ni.
Pawngsual tawktu nia insawi hmeichhia Attorney-in DailyMail a hrilhdanin, Sunday ni liam ta khan a chunga thil thleng report turin he hmeichhia hi Police hnenah a kala mahse, Police lam chuan dan hremi ruai turin thurawn an lo pe niin a sawi.
He pawngsual thubuai kaihhnawih hi McGregor team te hriattir an ni bakah Police lamah pawh report filed a ni tawha, a hmeichhia hian MgGregor DNA kaina a thuamhnaw pawh Police te kutah a hlan tawh niin a Attorney chuan DailyMail.com a hrilh a ni.
NBA finals Game 4 neih lai hian McGregor chuan NBA Heat Mascot a lo hnek tlu leh hman niin an sawi a, a chetdan chuan fans te a barakhaih hle bawk a ni.
