Your Daily News

Pawngsual Thubuai Thehluh Tumin A Va Kala Kut An Lo Thlak Chiam

0 439

India ram hi zawng engtikah mah pawngsual tih tawngkam nen hian then hran theih ani ngai dawn lo a nih hi maw! Hnamte nau leh hnampui inkar a hlain miretheite tan hmun a awm lo a ni ber.

Dalit nula pakhat chu an November 16, 2020 khan an chenna bulhnai ramhnuaiah a kala, a ram kal hun hi chawhnu dar 1 vel niin an sawi. Boruak tha hip tuma intihthawvenna hun a hman mek laiin tlangval 2 in an lo mana an pawngsual zui ta a ni.

Mipa 2 amah pawngsualtute hi hnampuia inchhal an nia, an duhtawk an hmuh veleh an tlanbo zui tih an sawi. An hmeichhe pawngsual chu nikhawhrelovin a awma, a harhfim hnuin in lamah a haw a ve ta a ni. A chunga thil thleng chu a chhungte hnenah a thlen nghala, November 18 ah Police station lamah report thehluh tumin a kalchhuak tih hriat a ni.

Tianga police station lama a kal lai chuan hmeichhe police 2 in kut an lo thlak zui tih a sawia, he hmeichhia hian thudik a sawi chung pawhin a tawngkam chu thlak danglam turin an lo nawrlui tih hriat a ni. An beng vak vaka, a thawmhnaw phelh turin an hrilha mahse, a lo hnialkalh ve tih a sawi.

A hnuah thuneitu sang lamten he hmeichhe 2 Dalit nula kutthlaktute hi an hna atangin an ban nghala, engvanga he nula hi kutthlak mai nge an nih tih an chhui zui dawn bawk. Police-ten nula chu thil thlendan kimchang an zawtfiah nghal a, pawikhawihtute hi an chhui mek tih an sawi. (Indiatimes)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!