Your Daily News

A PA-IN KUM 20 CHUANG KAWR NGAI A HAK RENG CHHAN A FANU SAWIFIAHNA HIAN A TI TUIRAL NGEI NGEI ANG CHE

0 1,529

Mithenkhat chuan kan nun tluk hiala ngaih pawihmawh leh hlut thil kan nei thin, chung thil chu man tlawm tak pawh nimahse a ngai hlutu kutah a thlen chuan a hlu hle thin. Twitter hmangtu pakhat @922_riaru chuan a pa-in kum 20 chuang kawr ngai reng a ha thin tih a lo hreru kiau a ni.

A pa chuan chu kawr chu  thianghlim takin a vawng fai thin, a thler anih pawhin thil dang-in a bel leh mai thin a ni. Thlalaka kan hmuh hi Ria-i nu leh pa te thlalak ani a. Thlalaka a pa kawrhak hi ani a pa-in a, a hlut em em nitin a, a hak thin chu. He thlalak hi a nu leh pa honeymoon hmang tura an zin chhuah tuma an lak a ni bawk.

A fanu chuan a pa kum 60 hnenah ka pa engvang nge he kawr hi nitin i hak thin a? he kawrah hian thil hriat reng tur tha tak a awm em ni? tiin a zawt a. Tichuan a pa chuan Ria-i hnenah chuan ” i nu ka hmangaih em em kum 18 liam ta a boral kha ka hriat reng nan ani he kawr hi ka hak reng ni ” tiin a pa chuan Ria-i hnenah a hrilh a ni.

Ria-i chuan,  ka pa-in a polo shrit ringawt a ha thin chu  ka hrethiam lo hle a, he polo shirt ah hian hriat reng tur thil special tak a awm ang tih ngaihna reng ka hre lo tiin Buzzfeed News a hrilh.

Ria-i nu boral hnuah hian a pa hian nupui dang a nei lo a, Ria-i leh a unaupa chu a pa hian hmangaih takin a enkawl seilian a ni. Ria-i hian a pa-in kawr ngai hlir a hak chhan  chu twitter ah a followers te hnenah a share a, tichuan khawvel pumah a darh ta chuai chuai mai a ni. Ria-i pa-in a nupui a hmangaihna chu mitam takin an ngai hluin ropui an tih hle thu Ria-i hnenah an hrilh.

 

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!