Your Daily News

Palestinian-ten Ahed Tamimi chhuah phut

0 486

Israel sipaiten December 19-a West Bank-a Nabi Saleh khua aṭanga an man, Palestinian activist tleirawl Ahed Tamimi-i chhuah phutin Inrinni khan Palestinian-te chuan nawrh an huaihawt a, pungkhawmte hnawh darh nan hian Israel sipaite chuan tear gas-te an hmang a ni.

Kum 16 mi, Ahed Tamimi-i hian US President Donald Trump-an Israel khawpui atana Jerusalem a pawm thu a puan duh lohna lantira nawrh an huaihawt ṭumin Israel sipaite chu kut thlakin a beng a, a kutthlak lai video hi social media lamah a darh nasa hle. He video thehdarh a nih hnu hian Iserael sipaite chuan an in chu dapin an man zui ta a ni.

Ahed-i hi thubuai 12 siamsak a ni a, a thubuaiah hian thiam loh chantir a nih chuan kum 10 thlengin lung-in tan tir theih a ni ang. A nu, Nariman leh a laichin kum 20 mi Nour-te pawh hren an ni bawk a, mahse Nour hi chu bail-a chhuah a ni tawh.

Inrinni khan West Bank-a thingtlang khaw hrang hranga Palestinian mite chu Nabi Saleh khuaah kalkhawmin, Ahed-i leh a nu chhuah phutin nawrh an huaiahwt a, Jerusalem chungchanga US sorkar thutlukna duh lohna an lantir tel bawk.

Nabi Saleh-a nawrh huaihawt a nih dawn vang hian an khaw luhnaahte Israel sipaite an duty a, hei vang hian foreign activist leh journalist tam tak chu an lut ve thei lo a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!