Your Daily News

Pa A Nei Tawh Silo, A Innghahna Ber A Nu Lah Sipaiten An Kahhlumsak Ta Si!

0 1,980

A va han pawi thin teh lul em! Myanmar sipaiten an mahni dotu mipui kawngzawh pungkhawmte chu an kap chiam maia, hetih lai hian nu pakhat chu dawrah mamawh lam turin a chhuak a, silai mu a tawng fuh ta hlauh mai. In lamah a fapa kum 6 mi a mah chauhin a kalsan tih hriat a ni.

Kawngpui zau laiah a kal laiin an kapthlu a, a hmunah a boral nghal tih an sawi. A ruang pawh an seng nghal thei lova, vawiin lamah lain, vuina hun an nei zui nghal a ni.

Sipai kut tuara boral nu lainatawm tak leh a fapa hi an nufa chauha khawsa an nia, Mandalay khawpuia khawsa hmeithai dinhmun changin a fapa nen an khawsa a , a hranpa CDM a tel ve pawh a ni chiah lo niin an sawi. Mamawh lam tura dawr pana a kal laiin sipaiten kawngzawh mipui an beihna lamah a vanduai palh ta a ni.

A nu in a kalsan tak mipa naupang kum 6 mi hi nu leh pa leh unau a nei tawh lova, mahni chauha hringnun khawvel a hmachhawn tur chu lainatawm tak a ni. A chanchin lungchhiatthlak tak chu fahrah chawmtu lemchanthiam Khine Hnin Win in a lo hriaa, enkawl a duhthu tarlangin a hnenah hruai turin a dil nghal tih an sawi. A nu aiawhtu tur Pathianin a ruatsak a ni ngei ang le!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!