Your Daily News

Online Lama Inchhar Nupa Tuakte Chuan An Sikul Luh Hma Kum 30 Liam Ta Khan Panlai Inngaihzawn In An Lo Inngaizawng Tawh Tih An Hrechhuak

0 617

Justin Pounders kum 33 a mi chu vanduaithlakin a nupui hualin a boralsan avangin a lung a leng thin hle tih hriat a ni. 2012 khan a nupui Adrianne Robert chu mi kut tuarin a boral hlauh tih an sawia khawvel hi atan thlakhlelh tur reng a awm ta lo!

Hemi kum vek hian Orlando lamah a nu kianga hun hmang rih turin a insuanluta a nu, amah hmangaih em em thintu chuan a nun khawhar tak ata chu chhanchhuah dan kawng a zawnpui ta a ni. Justin sawidanin a nu chuan zantin kawppui duhawm tak, amah tihlimtu tur a neih theih nan a tawngtaisak fo thin tih a sawi bawk.

Kum liam ta mai khan Justin chuan ‘a tawng dah lawng maw’ tiin match.com chu joined vein a vanneih a siamin hmeichhe duhawm tak Amy Giberson a tawng ta hlauh mai le. Amy thlalak a hmuh vawikhatnaah Justin kum 33 mi chu hmangaihna tuipuiah a pil der ta maia, a lungawi thawkhat viau niin a sawi.

People Magazine a hrilh danin Amy Giberson hmuh chakna chuan a tur ut ut a ni ber tih sawiin he hmeichhia hmeltha tak hi hmuh ngei a duha a rilru ngaihtuahna chu a hrilhfiah thiam lo zawk tih a tarlang.

Tianga an intawn hnu thla 1 awrh a liam tihah an nupa hian preschool ah naupangte an nih laiin an lo inkawm fo tawh tih an hrechhuak ta a ni. Amy pawhin People Magazine-ah sawilangin a pasal Justin chu bumin hmana Amy kha a ni lo tih a sawi ve nghe nghe.

“Justin nuin kan naupan lai thlalak min hmuhtir hnu chuan lawm avangin ka ṭapa, ka hlim em em bawk. Amy ngei hi Justin nupui tur khuanu ruat chu a nih dawn hi” tiin Amy chuan a sawi chhuak a ni. Justin pawhin a nupui hual, Adrienne boral ta chu van angel ang a ni tih sawiin Amy nen an intawh lehna chhan pawh Adrienne vang a ni a ti ve bawk. An lawmpuiawm khawp mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!