Your Daily News

Ohio Kawthler Satliaha In Pakhat Chu Chhan Duhawm Lo Tak Avangin Google Map In Fiah Lo Ruaia Dahin A Block Tlat!

0 3,924

Tunlai thiamna thang chho mek zelah Google Map chuan khawvel ram khawilai hmun pawh a kawhhmuh thei tawh che a ni. Mahse, chhan tha tak pakhat inthup avangin Cleveland, Ohio a chenna in pakhat chu a hmuh theih hauh loh thung.

Google Map atanga a landanin, Cleveland, Ohio khawpui fêma chenna in ding te hi a lang fiah em em hlawm vek a, chenna in pakhat erawh a blurr nasa mai a, han bih ngial pawhin a lang fiah thei ngang lo a ni.

Castro thenawmpa Mr. Ramsey

He in pakhat langfiah thei lo leh Google Map ina a block tlat 2208 Seymour Avenue an tih hi hmeichhe khuaikhem leh hrenbeh ching Ariel Castro chenna in a nih avangin han zoom vak pawhin a fiah thei chuang lo a ni.

Hmeichhe khawihchhiat leh pawngsual ching tak Ariel Castro hian a chenna in chhungah hian kum 20 dawn hmeichhe 3, Amanda Berry, Gina DeJesus leh Mitchelle Knight te chu a lo khungbet hlawm a, hun rei tak chhung mipathmeichhiatna lam hawiin a lo khawihbuai thin tih an sawi.

Khawpui fêm Castro chenna in hi 670sq ft a zau niin, Bedroom 4 a nei a, a hnuaiah hian motor dahna bakah mamawh dahkhawmna pawh a awm tel bawk a ni. He in hi a felfai em avangin pawn lam atanga a landan chuan pawikhawihna in a han ngaih leh rinhlelh mai chu thil harsa ve tak a ni.

2002 kumah Mitchelle hi kum 21 mi chauh a nihin a bo a, Castro hian a lo hrengbet reng tih an sawi a ni. Hemi hnu hian Amanda chu 2003 kumah Castro kutah a tla leh a, hetih lai hian kum 17 a upa a ni. Thuneitute sawidanin Amanda hian Castro fapa a hrinsak tih an sawi. 2004 kumah hmeichhe naupang kum 14 mi Gina chu sikul atanga a hawn kawngah Castro hian man lehin, Castro chuan Lift in an chenna inchhawng chung zawkah a chhohpui a, heta tang hian in lamah haw tur a awm tawh lo a ni. An 3 hian room an nei hrang a, inbualna tur tui pawh bucket in a dahsak thin a ni.

Hun a kal zelah 2013 kumah heng hmeichhe 3 te hi an chenna in thim ata chhanchhuah an ni a, nikhat chu Castro thenawmpa Ramsey chuan Amanda authawm a hre fuh hlauh mai a, amah Castro awmloh hlanin heng hmeichhe 3 te hian he in hi an chhuahsan a ni.

Castro chu a chungchang ngaihtuah niin thi tura a chung thu rel a ni a, kum 1000 tang tur a hremna pek a ni bawk. Pawngsual leh mi ruk thubuai 937 lai a awrh a, a vai hian thiamloh a changfai vek a ni. Jail-ah thla 1 awrh a awm tihah mahni intihlumin tan in chhungah a ruang chhar a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!