Your Daily News

NURSE RUIH VANGIN NU PUM CHHUNGAH NAUTE LU BUNG  TANG

0 1,557

 

January ni 6 khan India, Rajasthan hospital pakhatah hmeichhe pakhat Dikhsha Kanwar chuan nau a hring a mahse nau chhartu mipa nurse pahnih chu zu an ruih vangin naute lu bung chu nu chhul chhungah a tang a ni.

Dikhsha Kanwar chu rin loh takin a tuibawm a keh avangin,  rang taka hospital panpui nghal a ni.  A tuibawm a keh tawh avang chuan doctor pawh ko hman loin hospital a duty mek mipa nurse pahnih zurui chuan nau an chhar ta mai a ni.

Naute chu a ke lam zawnga a rawn chhuah avangin nu serh chu tlem an zai tet belh deuh a naute chu chehchhuah an tum a ni. Mahse Mipa nurse pahnih te chu an ruih avang chuan duh ai tam tha an lo thawh ani ngei ang naute chu a bung tlat mai. A ke lam chauh a lo chhuak a, mahse naute taksa bung chu nurse pahnih chuan engmah sawi loin mortuary ah an dah ve hmiah bawk.

Tichuan nau neitute hnenah chuan a nu pum chhungah hian a chhul them a tanga he damdawiin ah chuan bungrua tha a awm lo a, chu vang chuan rang taka Jawahar hospital pan nghal turin thu an hrilh a ni.

Thih leh dam inkar anih tawh avangin Jawahar hospital chu rang takin an pan nghal a doctor ten Dikhsha Kanwar pum chhunga a chhul them tang chu lak chhuah tuma an han endik chuan a pum atang chuan chhul them ni loin naute lu bung tang chu an phawrh chhuak ta zawk a ni.

Dikhsha Kanwar chhungte chuan rang takin hospital  an kalna hmasa zawk chu thuneitute hnenah an report nghal a naute mortuary a an dah chu naute taksa chan ve chauh ani tih an va hmu nghal bawk a ni. Nurse pahnihte pawh chuan an thil tih chu an pha lo a an ruih luat vanga he thil hi thleng palh niin an sawi bawk.

He Hospital a thuneitu Dr. Nikhil Sharma chuan thil thlen lai hian hospital ah a awm loh avangin engmah a hriat loh thu a sawi. Thil ti sualtu Amrit Lal leh Junjhar Singh chu man an ni lo a, mahse chhiatna tuartute chuan zurui nurse pahnih te chuan an thil tih sual man an hmuh ve theih nan FIR an theh lut a ni.

Dikhsha Kanwar chu a dam that leh theih nan Jawahar hospital enkawl mek a ni.

 

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!