Your Daily News

A NUPUI LEHKHA ZIR A THIK VANGIN A KUTZUNGTANG ATAN SAK

0 1,222

A pasal ram danga hnathawka awm chu a rawn haw a, tichuan a pasal chuan thil tha tak a lo hawn thu hrilhin a nupui mit chu a tuam saka, tichuan a nupui kutzungtang te chu a tan sak ta a ni. Bangladesh pa hian heng thil a tih chhan chu a phalna la hmasa lo a, a nupui lehkha zir chu a thik vang a ni.

Rafiqul Islam kum 30 hian a nupui Hawa Akhter kum  21 kutzungtang a tan sawn hian a mit a tuam sak mai bakah a ka thleng a hup sak tlap thu hriat ani bawk. Hawa Akhter i kuttang panga bungte chu Rafigul-a chungte zinga pakhat chuan Hawa Akhter-i kut chu doctor ten an sawm theih tawh loh nan bawlhlawh bawmah an paih thu hriat a ni bawk.

Rafiqul Islam hi United Arab Emirates a hnathawka awm ani a, a nupui-in lehkha a zir tih a hriat chuan a thikin a thin a rim em em a ni. Tichuan a lo haw hnu chuann a nupui chu tih derin a kuttawng chu a tan sak ta a ni. Rafiqul Islam hian a thil tihte chu a phat loh thu Bangladesh police chief Mohammed Saluddin a hnenah a inpuang a ni.

Rafiqul Islam hi pawl 8 thleng chauh lehkha zir ani a, a nupui college kal chu a thik hle thu an sawi, Tunah chuan Hawa Akhter hian a veilam hmanga lehkha ziah thiam a zir meka a zirlai chu zawh ngei a tum thu a sawi. Rafiqul Islam hi Dhaka khawpui a Human rights groups te chuan dam chhung lungin tang turin police te hnenah an dawr nasa hle a ni.

 

 

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!