Your Daily News

Nupa Tuakten An Fapa Hming Atan ‘Google’ Vuahin Google Tak Atangin Thilpek Hlu Tak Nautein A Dawng

0 323

Tunlaiah chuan fate hming vuah turin nu leh pate pawn kan ulukin kan duh changkanh thei viau niin a lang. Milar thenkhatte pawhin Blue Ivy, Dusty Rose, North West tihte a ni thluah. Heng ho belhchhah tur hian Indonesia nupa tuakte chuan an fapa hming atan ‘Google’ an vuah ta mauh mai le!

Nausen ‘Google’ hi November 30, 2008 khan Ella Karina leh Andi Cahya Saputra-te inkarah Rawalumbu district, Bekasi West Java Indonesia-ah a piang tih hriat a ni.

AsiaOne in a tarlan danin Andi chuan a fa chu a nupui Ella in a pai mek lai thla 7 a nih laiin tech company hming iPhone, Microsoft, Windows tih velte chu a hming atan a thlang lawk tih a sawi. Mahse, a hnuah khawvelah Search Engine lianber a nih angin a ngaihtuahna a thlak ta zawka, a nupui erawh a hlim lutuk lo tih hriat ani.

Naute piantirh hian thenawm khawvengten a hming enge nih an zawh pawhin Andi leh a nupui Ella chuan an sawi duh lawk lova “Mipa” tih bakah an chhang ngai lo ani. A hming ‘Google’ chu an puang chhuak duh lawk lo a ni. Thla 3 chhung zet an naute hming an thup hnuah zawi zawiin a darh ṭan ta tih an sawia company lam pawhin an lo hmelhriat tan ta bawk.

He naute hming ‘Google’ hian Google Indonesia beng a thleng thuai a, a nu leh paten Google atangin call dawng nghalin an naute hming chu an lawmpui tak zet tih tarlangin dam taka hun hmang turin duhsakna an hlan nghal bawk.

A hnuah motorcycle taxi driver chu company aiawhin Google te inah an tir nghala, naute chu Google jumper manto tak leh mawi zet mai gift atan an pe ta ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!