Your Daily News

Nulaten A Bialnu Nih Manah Thla Hlawh An Pe!

0 1,407

He tlangval hian hnadang thawk miah lova, ngaihzawng a neih apiangin hlawh an pe ziah tih hriat a ni. Japan rama hmeichhiaten an mipa ngaihsan hrawn leh an bem thin gigolo-te zingah chuan hlawh hnem ber pawl a ni.

Tunah hian bialnu 15 a nei a, bialnu pakhat ah ni 2 chhung chauh lenchhuahpuina hun a nei a, ni 2 chhungah ringawt 1 million yen hlawh an pe bawk.

Kum 18 mi a nihin hmeichhiaten mipa an bem thin ‘gigolo’ hna chu a thawk a, nulaten an ngainain an duh thei hle tih an sawi. Amah hi a zeiin hmeichhiate han sawngbawl dan vel chu a hnehsawh hle bawk tih an sawi a ni.

A bialnuten an lenchhuahpui apiangin a darkar in sum an pek a tula, ei leh in leh thildangte pawh nulaten an tumsak thin bawk. He japan tlangval hi nula satliah tan erawh beiseina tih san vak chi a nih loh hmel. A nula kawm turte chu an hmel leh nihna uluk taka a zirchian hnuah chauh thutlukna a siam thin a ni.

Nu pakhat pawhin thla khatah 1 million yen hlawh tur leh a bialpa ni turin a sawma, a duh hun apiangah hmuh a duh tih sawiin, duh hun hunah hmuh theih anih loh avangin a sawmna chu a hnawl tih Japanese Internet TV Station Abema a hrilh nghe nghe.

Nula pakhat kum 4 zet amah lo zui tawhtu pawhin “He tlangval hi ka bansan thei lo ani, mipa dang neih ve loh mihipna a nei bik a ni. A kianga awm tawh chuan mipa dang melh a har thin a ni” tiin a sawi lang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!