Your Daily News

Nuin A Ruala Mipa 2 Mipathmeichhiatna A Hmanpui Hnuah Pa Hrang Nei Phir Unau A Hringchhuak

0 1,466

He chanchin zet hi zawng khawvela thil thleng zen zen lo a ni ngei ang! Nuin phir a hring a, mahse, an pa erawh mihring an ni thung.

Brazilian nu kum 19 mi chuan nikhatah mipa 2 mipathmeichhiatna a hmanpui a, mipathmeichhiatna an hman atanga thla 9 hnuah rinloh takin phir a hring thut tih an sawi. A fate 2 phir unau chu an pianchamphaphak kum 1 na a lo thlen chuan, pa hmun laka ami an nih leh nih loh chungchangah rinhlelhna a nei ta tlat mai a, finfiahna neih a tum ta ani.

A rinhlelhna chu a dik leh dik loh hriat tumin paternity test a kalpui ta a ni. A tirah chuan he nu hian a fa phir te pa chu mipathmeichhiatna a hmanpui zinga pakhat zawk a nih a ring a mahse, DNA a lak hnuah phir pakhat zawk pa chu mihran a ni tih a hrechhuak ta ani.

Brazilian nu, a hming tarlan loh hian a chunga thil thleng chu mak a tih thu leh, thil awm thei a nih a rin loh thu a sawichhuak nghe nghe.

Phir hringtu enkawltu physician Dr. Tulio Jorge Franco sawidanin, hmeichhe eggs 2, mipa 2 chiin a fin hian heng ang phir, pa hrang nei hi an awm thei niin Globo a hrilh ve bawk.

Phir unau thla 16 a upate hi tun dinhmunah an mahni hringtu pa pakhat zawkin a enkawk mek tih Brazilian nu chuan a sawi a, pa pakhat zawk hian eng ang mawhphurhna nge a lak ve tih lam erawh hriat a ni lo thung.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!