Tlangval pakhat kum 39 chuan a nu that turin a thianpa sumin a ruaih thu hi korea ram social media ah chuan sawi a hlawh hle a ni.
A thianpa chuan, a thianpa rawih angin a nu chu thah tumin december ni 20 zing lam dar 2 leh minute 40 vel khan a thianpa nu in ah chuan hmawlh tum kengin a lut a, pitar kum 63 chu ava vaw hlum niin a fapa hnenah chuan hrilh a ni. Tichuan pitari fapa chuan a nu misualin an vuak hlum thu chu police hnenah a report nghal bawk.
Mahse a nihna takah chuan pitari hi a thi lo a, pitari hi a thidang mai zawk a ni. Pitari hi hospital ah panpui ani zawk a ni. Mahse chu chu midangin an hre lo a ni. Pitari fapa in police hnena a report avang chuan police te chuan an chhui zui nghal a cctv an en hnu chuan pitari sawisa tu nia rinhleh chu an hmu a an man a, an dawp hnuah a thianpa in sum hmanga a rawih thu a sawi chhuak ta a ni. Pitari fapa hian a nu thah aduh chhan chu sum vang ani a, a thianpa bank account ah korean pawisa 12 million a thun thu hriat a ni bawk a ni.
Pitari in pawh a fapa hian a hmingin a lo dah tawh bawk tih hriat chhuah ani bawk. Pitari fapa hi police te chuan an man a, mahse a nu vuak hlum tumnaah hian a inhnamhnawih loh thu a sawi bawkah fapa fel tak anih thu police te a hrilh a ni. Police te chuan he case hi an chhui zui mek a ni.