Your Daily News

Nu Pakhat Mahni Kut Tan Luitu An Man

0 403

Slovenia nula Julija Adlesic kum 22 mi chuan a kut dinglam chu âra (saw) hmanga tan bungin kut leh ke kimloten sawrkar puihna an dawn thin sum dawn a tum avangin an man.

A bialpa nen sawrkar thuneitute bum an tuma, a kut dinglam a banrek china hnuailam zawng chu a tan bung tih an sawia, vuah that leh pawh theih tawh lo turin a kut bung chu inchhungah a thukru zuia, damdawi in lamah an tlanpui ta nghal a ni.

Damdawi in an thlen chuan a hnathawhna hmunah chesualin a kut chu a tan bung palh niin a insawia mahse, he hmeichhia hi an rinhlelh avangin thuneituten an chhuichiang ta a ni.

Julijia Adlesic chuan “Kut ke kimlote chu dawmkan an ṭul a ni, ka taksa kimloh avangin ka nun pawh a hreawm tak zet a ni” tiin kutbul chunga hun hman chu hreawm a tih thu a sawi chhuak nghe nghe.

Police-ten theih tawp chhuaha an chhuichian hnuah a kut bul pawh chu an hmuchhuak tih an sawia, finfiahna dang pawh an neih belh thu an sawi a ni. Hei bakah hian a bialpain a kut a bun hnua a hlawkna a neihdan tur leh ruahmanna a siampui dante pawh an hre chhuak ta zel a ni.

A kut bung chu doctor-ten an vuah that sak leh a, a kut a tan luih avangin kum 2 chhung tang turin thutlukna a siamsaka, a bialpa pawh mi bum tumnaah a tel ve avangin kum 3 chhung tang tura hremna pek a ni bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!