Your Daily News

Nu Pakhat In Nausen Phir Hringin Pakhat A Hânga, Pakhat A Ngo Zawk Thung

0 651

Canada ram, Calgary Alberta-ah nu pakhat, thlalatu (Photographer) Judith Nwokocha chuan, nausen phir a hring tih hriat a ni.

Judith Naute hrin, phir unaute hi mak tak maiin an vunrawng erawh an danglam hlauh thung. A ngaihdan chuan a fa pakhat (a ngo) zawk chu nurse-ten a fa nilo zawk an pe sual palhah a lo ngai hman hial a ni. Judith leh a pasal chu kum 8 chhung teh meuh naute hring thei lova awmin an beidawn hnuah IVF kaltlangin phir an nei ta hlawl mai a ni.

Tunah chuan phir unau an fate pawh kum 4 an lo tling ve ta reng maia an vun rawng in anloh avang hian miten unau phir an nilo emaw tiin an unau hian an ngai sual fo tih an sawi a ni. Mipa naupang Kamsi chu a hâng hlea, hetih lai hian a phirpui hmeichhia zawk Kachi erawh ngo uchuah, vun vâr (albino) in a piang hlauh thung a ni. Naute nu leh pate hi African-Candadian an ni.

Kamsi leh a unaunu Kachi-te hi an vunrawng danglam mahse an rilru put hmang erawh a in angin an inhmangaih hle tih an sawia, thian tha tak ang maiin an inkawm hlim thin tih an sawi a ni.

Judith chuan a fa vun vâr ngo u chuak tak (albino) a piang chu mak a tih thu sawiin an thlahtute zing ah albino an awm bawk si lova a ngaih a tha zân lo tih a sawi lang nghe nghe. A pasal pawhin an fate, phir unau vun rawng chu mak a ti ve hle tih sawiin a ngaihtuahna a buai phah hial niin a Judith chuan a sawi bawk.

An nupain a hnuah hahdam takin an fa phir unaute hi enkawl zuiin an mahni ah mawina leh danglamna duhawm tak an nei ve ve tih sawiin an hmel leh engkim chuan an mahni a tihlim em em vek tih an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com