Your Daily News

Nu Leh Pa Neilo Mipa Naupangtê Chu A Ṭawngkam Avangin Mi 5,000 In Fa Atan Lak An Duh

0 803

America ram, Oklahoma naupang kum 9 mi, Jordan tia koh chu a ṭawngkam avangin mi 5,000 lai maiin an fa atan lak an duh tih hriat a ni. Jordan hian kum 3 mi a nih lai atang tawhin fabrahin hun a lo hmang tawh ani.

A nau mipa kum 5 mi Braison chu 2019 khan chhungkaw pakhatin an fa atan an la tih an sawi. Fox 59 in Jordan an kawmnaah zawhnate zawtin “Khawvelah hian khawi hmunah nge i kal chak ber” tia an zawh chuan, Jordan chuan “Fahrahte chawmtu/latu chenna in party-naah ka kal chak ber” tiin a chhang a ni. A duhthusam pa 3? an zawt leha Jordan chuan a duhthusamte sawichhuakin i) Chhungkua neih, ii) Pahnihnaah pawh Chhungkua neih iii) Pathumnaah pawh chhungkua neih tiin a chhang a ni.

A len hunah a hnathawh duh leh nih a tumte zawtin “Khawtlang venghimtu Police officer nih ka duh” tih a sawia mahse, hemi hma hian chhungkua neih ka duh hmasa a ti leh bawk a ni.

Jordan, naupang khawngaihthlak tak hian “Nu leh pa koh tur neih ve hi ka van chak tak em! Ka nu tih leh ka pa tia koh ve hi ka chak ve em a ni” tia a sawichhuah meuh chuan mite thinlung a hnehin an lainat em avangin mi 5000 lai maiin an fa atan lak an duh thu an sawiin thuneitute hnenah hming an thawn nghal tih an sawi.

Thupuangtu Christopher Marlowe’an Karkhat chhungin mi 5000 lai maiin Jordan chu an fa atan lak an duh thu dilna an dawng tih a sawi. New Jersey, Florida, Illinois, Kentucky etc..atang pawhin call an dawng nual tih a sawi bawk. An dilna application-te an en anga an chhanna-te hnenah nu leh pa nei ve turin a awm tawh dawn a ni a ti.

Chhungkaw 2-te chuan Jordan chu an fa atan lak ngei an duh thu an sawia an chhungkaw chanchin an zirchian hnuah a remchang lo niin Christopher chuan a sawi a ni. A nau, Braison chawmtu chhungkua pawhin lak an hnial loh thu an sawia, a unaupa nen an inzawmna a bo loh an duhthu Mr. Christopher Marlowe chu an hrilh nghal a ni. Naupang tha leh hlawhtling tak lo ni mawlh rawh se!

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!