Your Daily News

NKorea sipai SKorea-ah tlanchhe lut

0 435

North Korea sipai pakhat chu nimin zing khan South Korea nena an inrina,  Demilitarized Zone (DMZ) kaltlangin South Korea ramah a tlanchhia. Kumin chhunga NKorea sipai, SKorea-a tlan lut pali-na a ni.

DMS hi khawvela ramri zinga ven uluk ber zinga mi a ni. Nimin zing dar 8 vel khan NKorea sipai hian chhum zing chhah tak karah, checkpoint aṭangin DMZ kaltlang hian South lam hi a pan a ni. DMZ a kaltlang lai hian SKorea sipaite chuan warning nan silai pawh an hmetpuak a, mahse hetichung hian South Korea lam hi a pan lui tho niin SKorea sipaite chuan an sawi.

SKorea-a lut, NKorea sipai hi hren nghal niin, ramri kana a luh chhan hi chhui chian mek a ni.

Kumin chhungin Korea ramri kaltlanga NKorea mi, South Korea-a himna zawnga tlanlut hi mi 15 an tling tawh a, hetihlai hian China kaltlangin mi tam tak an lut thung.

 

credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!