Your Daily News

Ninhlei Thilah Google Maps A En Laiin A Nupui Leh Mipa Dang Inkawp Lai A Hmu Thut

0 439

Peru ramah pa pakhat chuan an ram khawpui Lima kawtthlerte chu khawhar hnemah a thlir kual ve tih an sawi.

Tuipui kam chhehvel a thlir mek lai chuan hmeichhia leh mipa thu tlang a hmua, a hmeichhe zawk chu a thawmhnaw hak leh a incheidan atang chuan a nupui ang a ti hle a, a enchian deuh hnu chuan a nupui ngei a ni tih a pawm ngget ta nghal a ni.

Google map ah hian mihring hmel chu a chian loh (blurred) avangin chiang tak chuan hmuh a har nain a nupui a ni tih erawh a ring nghet tlat tih a sawi a ni.

Tlailamah a nupui chu in lamah lo hawin a pasal chuan thil awmdan a zawt fiah ta a ni. A nupui pawh chuan inzep thei niin a inhre ta lova mipa dang ngaihzawng a neih thu chu a inpuang ve ta nghal a ni.

Tichuan, an nupa in Google map thil tih theihna avang chuan an inthen phah ta a ni. He Google map hmang hian misual pawl chetdan leh an khawsak dante chu a hriat theih tih an sawi bawk.

Tunlai thiamna hman tangkai kan tum a pawimawh ta hle mai. Kan nitin nunah tangkaina nei tam tak a awm tih hria ila, tunlai khawvelah hriatna leh thiamna tello chuan hlawhtlinna kawng a zawh theih tawh lo a ni ber.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!