Nileng Zankhua (Darkar 24) Chhung Khumah Games Khelin Hun Hmangin, A Pasalin Ei Leh In Tur A Pek Bakah Engkim A Thawhsak Vek!
Nileng Zankhua (Darkar 24) Chhung Khumah Hun Hmangin, A Pasalin Ei Leh In Tur A Pek Bakah Engkim A Thawhsak Vek!
Mizo mipate kan indemfiam fona pakhat chu nupuite ngamlohna thaibawi chungchang hi a ni awm e! India ram mai nilo khawvel hmun tam takah hmeichhiate hi an lal em em maia, an pasalte aiin an dinhmun chu a sang vah bawk. Hmeichhiate hian khawtlangah leh chhungkuaah hmun pawimawh tak an chan laiin, khawvel hmun thenkhatah erawh chuan hmeichhiate chu ran ang maiin an en a, engahmah an ngai lo thung.
China ram a nu pakhat kum 38 a upa chanchin hian social media lamah thawm a rawn nei lian viau mai a, a larna chhan pawh a khawsakdan mak tak leh a awm awl luat vang a ni. Tangshan hmuna khawsa hmeichhe kum 38 mi Xiao Ya chu a nu leh paten a naupan lai atang tawhin an duat khawlova, amahah thachhiatna leh dawngdahna a nasat tawh avangin engmah a thawk peihlo tih an sawi.
Xiao Ya chu pasal a neih hnu pawn a khawsakdan chu a thlak thei ta chuang lova, nileng zakhua in khumah a mu reng ringawt maia, a pasal chuan a mamawh engkim ei leh in tur chenin khumah a chhawpsak thin tih an sawi. A khawsakdan leh a pasal chunga a awm dan chu miten mak an tiin internet lamah pawh sawiselna a dawng nasa tih hriat a ni.
Khumah chuan Games a khel fo mai a, a pasal chuan chhungkuaa a thawh ai zawng zawng chu a thawk a ni ber! A chhapah chawhmeh tuihnai lo chu a ei duh hauh lova, “awm awl leh ei tur” chu a thupui ber a ni ringawt mai a ni. A pasal sawidanin, a nupui chuan a vawikhat chaw eiah soup tiamin chawhmeh chi 5 tal a chhawpsak loh chuan chaw a ei tha duh hauh lo zu nia!
A khawsakdan mak tak avang hian a nu leh pa te pawhin media lam atangin zawhna an dawng hial a, an fanu duatsual rah chu an tan hmingchhiatna leh zahna an men lo a a chang a ni. A nu leh pa te chu mi khawsa thei tak an ni a, an fanu chuan a pasal duhzawng leh ama rilrem zawng tak chu zawngfuhin lal takin a pasal chuan rawng a bawlsak ta a ni.
An nu leh pa te zarah nupa tuakte hian sum leh pai leh in chhunhkhur khawsak thuhlaah harsatna an neih awm hriat a nilova, pa ber erawh a nupui vangin thaibawiah a inchhuah hlen ta a ni.
