Your Daily News

NI HNIH CHHUNG BEI ANG AW A TI

0 339

Tun dinhmun president a tan amah leh amah inpuangtu Juan Guaido chuan sipaite rilru lak tumin amah thlawptu mipuite chu nihnih chhung an ram leh khawvel hmaa inpho lang turin a sawm.

President Nicolas Madoru lamah tang lovin mipui lamah tan turin Nilai ni chawhnu dar hnihah nunnem leh tluangtlam taka mahni duhdan pho lang turin Juan Guaido chuan a fuih a, tun Inrin niah pawh hian an ram chhunga amah thlawptu ram pawn lama a mah thlawptu zawng zawng kawtthlera rawn chhuak vek turin  a sawm bawk.

An ram chhungah inthlanna buatsiah tur leh a ni hnuhnung ber atan Inrin ni hi EU chuan a ruatsak phawt a ni. Juan Guaido chuan tuna dinglai president hi kan paihthlak theih chuan democracy vanga lungin tan sipaite chu ka chhuah zalen vek dawn a ni a ti.

Kan ram inkaihhruaina dan hi kan ram sipaipawl hian zah takin an zui zel a ni tih sipaiten an rawn lantir hun hi mipuiten kan lo thlir reng a ni a ti bawk. Democracy vanga an man tak sipaite leh policete chu ka chhuah zalen vek dawn tih lehkha a siam chu mipuiten an sem chhuak. chung lehkha thlawk chu sipai thenkhat chuan an pawtthler a, mahse an ram chhunga ei leh in harsatna lo sang zel leh nitin khawsak dan harsa ta lutuk chu an nupui fanaute pawn hrehawm an tih tawh zia thu sipai thenkhat chuan an sawi ve bawk. President Nicolas chuan sipaite hi a lamtang an ni tih sundaya sipaipawl inpholanna an neihnaah a sawi.

source ‘VOA’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!