Your Daily News

‘Ngaihdamna Chauh Hian Hahdamna A Thlen Thin’ Tiin A Fapa Thattute A Ngaidam!

0 576

Midangte thilsual tih leh an thiltihsual palhte ngaidam theitu nih chu a hluin a tluk a awm lo. Mahse, mahni fate ngei thattute han ngaihdam mai chu thil harsa tak a ni ngei ang le!

Malaysia ramah rawlthar kum 21 a upa Zulfarhan Osman chu a sikul luhnaah a zirlaipuiten an vawhlum tih hriat a ni. Tianga kut an thlakna chhan ber pawh Laptop ru a puh a nih vang niin an sawi.

Nu ber chu a fapa Osman ngaiin a tap fo thin a, Kuala Lumpur Rorelna sang Court chuan 2021, November 4 ah heng tualthattute hi an chungchang ngaihtuah nawn lehin, an zavaiin kum 18 chhung tang tura hremna pek an ni.

Thihna tuartu Osman-a pa chuan, a fapa thihna a inhnamhnawihte chu kum 18 chhung tang turin hremna pek an nih thu a hriat chuan a fapa tawrhna leh an tawrhna ngaihtuahin nep a ti ang reng hle.

Mahse, an zavaiin hremna an pe tih thawm a hriat chuan a lawm hle a, hmalam hun lo thleng turah buaina leh harsatna thlentu an nih tawh loh hram a beisei tih sawiin, an phutawk hremna an hmuh avangin an zavaiin a ngaihdam thu a puang zui a ni. ‘Ngaihdamna chauh lo chuan mite nunah hahdamna a thlen tak tak lo” tih chu thinlung takin a sawichhuak a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!