Brazil rama naute pianghlim chu a mitmeng a pa ang reng hle a, social media lamah a lar hle tih hriat a ni. A lo piang chiaha doctor-te chu a melh rum nghal ringawt tih an sawia, a tap lo nain a mittui erawh a tla tih an sawi.
He nausen hi Janeiro Hospital-ah a pianga doctor-te pawhin a mit meng chu pa an ti hle a, an lawm phian tih an sawi a ni.
Photographer Rodrigo Kuntsmann’an he nausen video hi online lamah a post a, Netizens-te chuan “A lo piang ve hlawla nikhat lek chhungin khawvel a ning nghal der a nih hi” tiin fiamthu an thawh nghe nghe.
A thente chuan “A pian veleh doctor-te chu insual a cho nghal a ni mai lo maw” tiin an nuihpui nasa a ni. A nu leh pate pawhin an hlimpuiin an nui deuh reng tih an sawia an fapa chu “A duhawm lutuk” tiin an hlimzia an sawichhuak a ni.
