Nupa tuakkhat mawl lutuk chuan an naute thla 3 mi chu microwave chhungah degree 2 vela sa-ah an hem.
Derick Boyce-Slezak kum 22 leh a nupui Mikala kum 22 chuan an naute microwave chhunga an hmel an hem kan avang chuan an hlau hnuhnawh a, damdawiin ah a rang thei ang berin an kalpui nghal a ni.
Doctor-in naute hi a endik hnu chuan naupang hi degree 2 vela sa a hal anih thu leh a luruh-ah leh a thluakah hliamna tak a tuar mek ani tih an hmu chhuak a ni.
Derick Boyce-Slezak kum 22 leh a nupui Mikala kum 22 chu rinhleh vangin USA, Missouri police te chuan an man a ni. A tir chuan Derick-a te nupa chuan naute chunga an thiltih chu an zep tlata cleaning chemicals a inti palhah an sawi a ni.
Mahse a tawpah chuan nautenu Mikala-i chuan a zep thei tawh lo a, an naute chu a pasal Derick-a chuan TV commercial pakhat atanga a hmuh angin microwave degree 2 a sa chhungah chuan minute rei lo te a hem thu Missouri Department of Social Services-te hnenah a hrilh ta a ni.
Naute nu leh pa Derick leh Mikala chu St Francois County lunginah khung an ni a, mi pakhatah dollar nuai 5 a bail chhuah theih an ni.