Your Daily News

Naupang Kum 9 Mi Chu A Ṭhi Awrh Kraws Lemin A Nun A Chhanhim Hlauh!

0 415

Argentina ram, Las Talitas khua cheng mipa naupang kum 9 a upa chu a âwm ah tak silai a kah a ni a, vanneihthlak takin a nghawnga kraws lem a awrh lai chuan a nun a chhanhim hlauh!

He thil mak tak hi December 31, kumhlui thlah zana thil thleng niin, silai mu chuan kraws-ah tak a fuh a, naupang awma silai mu tlang tur chu a lo dang ta chat mai a ni.

Mipa naupang Tiziano kum 9 mi chu a chhungte nen kumthar lawm dawn zanah khawlaiah an vak chhuaka, pawn lamah halpuahte halin hun hlimawm tak an hmang tih an sawi. Inchhung lamah luh an tum mek laiin silai puak ri an hre ta thut mai a, Tiziano chu a let hlawl maia, a hlauthawng ngawih ngawih tih an sawi. Hliam erawh engmah an hmuh loh avangin mak an ti hle.

Damdawi in lamah rang takin an tlanpui ta nghala, doctorte chuan a awm chhunglam pawh engkim a that thu an sawia, a awma a ṭhiawrh kraws lem an han en meuh chuan silai mu sulhnu an hmu chhuak ta a ni.

In an haw hnuah an in bulah silai mu chu an hmu a, a nu leh pate chuan, “Kan fapa hi Pathianin a chhanhim a ni” tiin an lawmzia an sawilang nghe nghe.

He thil thleng kaihhnawiha silai hmetpuaktu hi Argentina police-ten an zawng nghal a, tunah rih chuan pawikhawihtu hi an la hre thei mai lo a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!