Naupang chu A Nuin Car-ah A Hnutchhiaha, Tuihawkluankawr Thuk Takah Zuanthlaksanin A Bo Zui!
Naupang chu A Nuin Car-ah A Hnutchhiaha, Tuihawkluankawr Thuk Takah Zuanthlaksanin A Bo Zui!
Thawhtan ni zan liam ta khan Thailand, Bang Bo district, Bangkok-Chon Buri motor kawngpuiah nu pakhat chuan a fa kum 3 mi chu car chhungah hnutchhiatin, tuihawkluankawr thuk takah a zuanthlaksan tih an sawi.
He hmeichhia hi kawra a zuanthlak hnu hian a hmel an hmu leh tawh lo a ni.
Bang Bo police duty officer sawidanin, motor kawngpuia police patroling te chuan motor leh a chhunga naupang hi an hmu a, motor an park na hmun hi leidawh thui tak huam chhungah a ni nghe nghe.
Police leh rescuers team te chuan naupang hi car seat hmalamah a lo muhil tih an sawi a, an han belchuianga motor khalhtu pawh an hmu zo lo a ni.
He car neitu hi an chhuichianna atanga a landanin, Nicha Khemkornsukjit kum 34 ta a nih thu leh amah hi Bangkok, Suan Luan district a khawsa a nih thu an tarlang bawk a ni. Police te chuan naupang kum 3 mi a nuin a rauhsan tak hi a chhung leh khatte hnenah enkawl turin an dah nghal tih an sawi.
Tualchhung mi Prairoj Sornkaew kum 47 mi sawidanin, he thil thlen lai hian leidawh hnuaiah sangha man tumin a awm tih a sawi a, lei chunglam atanga thil lo tla a hmuh thu leh tuia a tlakthlak lai pawh chiang taka a hmuh thu a sawi a ni.
Car khalhtu nia ngaih hmeichhe bo ta nu chuan, naupang hi a hnenah a la zui ta a ni. Police ten thil awmdan an chhuizui mek tih an sawi.
