Your Daily News

Naupang 200 Chuang Lo Pawngsualtu Chu Na Taka Sawisain Phur Lo Tak Chungin A Pawngsual Hnuah A That Zui

0 1,106

Kum 33 a upa Richard Huckle chu British misual turu tak a nia, naupang pawngsual a chin em avangin a chanchin chu chanchinbu tinah a lar hle. Kum 9 chhungin naupang 200 zet a pawngsual a, a naupang pawngsual zingah thla 6 mi lek pawh a tel tih an sawi.

Richard hi British mi ni mahsela, Asian ram hmun tam takah a zinkual nasa a, Malaysia ram thingtlang khaw tam takah zinin naupangte Saptawng a zirtir thin a ni.

Mahse, naupangte chu a thlem kuala a lo pawngsual zui thina, thingtlang khua naupang an nih avangin thubuai pawh an siamsak ngai lova, a thil tih chu a ngai neih ti ti hial niin an sawi. Tichuan kum 9 chhungin naupang 200 lai mai chu a lo pawngsual hman tih hriat a ni. Mak tak maiin a naupang pawngsual lai video chu online lamah a post zui a, a video hmang hian 2014 kumah an man chhuak ta a ni.

Misual turu takte an khungna hmun HMP Full Sutton, East York tan inah an khunga, a tanpui kum 30 a upa Paul Fitzgerald’an rapthlak zetin a hrem a, a pawngsual hnuah a that zui ta a ni. A chanchin an chhuichianna ah Paul chuan a sa thlengin ei a tum tih an hrechhuak bawk.

Paul Fidzgerald chuan a thawmhnaw in a phuar beta, ha nawhna (toothbrush) hmangin chho zawngin a hnarah a hawlh lut a, a thluak a thleng rap tih an sawi. Paul chuan police-te zawhna chhangin Richard Huckle chu a pawngsual chak lo viau nain naupangte a tihhreawm em avang leh an tawrh ang chiaha na tuar ve se tih a duh avangin a pawngsual hram tih a sawilang bawk.

Rapthlak taka a hrem chhan pawh a naupang pawngsualte tawrh angin tuar ve tih chu a duhthusam a ni. Paul Fidzgerald chuan Richard Huckle thubuai chu amah kut ngeiin a rel fel tih a sawi ani. Paul hi silai kawl ruk thubuai avanga tang a ni a, a ngaihtuahna chu a kim zan lo tih an sawia mahse, doctor-ten hei hi an lo hre lem lo a ni. A chhan chu a hmain buaina a siam ngai lo niin an sawi.

Richard Huckle thattu Paul chu tan inchhungah tual a that avangin kum 34 tang tura thubuai siamsak ani a mahse, a lungawi em em tho tih an sawi. Tang dangte a khawih leh ang tih an hlauh avangin a falin an dah hrang ngat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!