Zinglam dar 5 velah Zhu Qingfeng chungkaw chenna apartment changkang tak chu a kal thut a ni. Inn kan ni hian an pa ber chu sumdawnna thilah a zin chhuah lai ani a, nu ber chuan an mahni tanpui turin a nauawmtu chu tanpui dil mahse nauawmtu hian a pite nufa ho chu tanpui loin a chhuah san a ni.
in kangah hian nu ber leh mipa naupang pahnih kum 11 leh 6 bakah hmeichhe naupang kum 9 mi, ten nunna an chan thu Shanghai Daily news chuan a sawi.
He thil then ni hi nikum june 22 a thleng ni mahse police te pawhin chiang taka kangmei chhuahna chhan an hriat hnuah pawh nauawmtu pi Jing-i kum 34 hi an la man loh avangin China rama weibo hmangtute ho chu an thinrim hle a ni. kangmei ti chhuaktu nauawmtu hian living room ah mei a hal thu hriat a ni bawk a ni. Mahse pi jing-i hian tihpalh thil thu a ni tiin a sawi ve bawk. Pi Jing-i hi chhuah zalen nghal a ni bawk. Heivang hian chinese mipui tam tak chu tunthleng hian ann thinrimna leh sorkar an demna chu china rama sociall media pakhat lar tak weibo ah an thinrim thu an hritla chhunzawm zel a ni.
Zhu Qingfeng chungkua hi mihausa tak leh chhungkaw tha tak mai an ni a, in a kan hma tuk pawhin nauawmtu hian a pi pawisa dollar 43,860 a ruk avanginn an inhau bawk niin an inneihtu nau hian a sawi. Nauawmtu hi pawisa chawia inkhel hrat tak ani a, inkanna a thlen hma hian a pi-in dollar 14,600 a puk tir thu Zhu Qingfeng chhungkaw pa berin a sawi.
Weibo hmangtute thenkhat chu an thinrim hle a pi leh naupang pathum hal hlumtu hi thi tura a chungthu rel sak tlak ani, engvang nge pawikhawihtu hi inchhuah zalen , engvang nge chinese mipui zawng zawng he misual nu vanga min chawhbuai tiin weibo kal tlangin thuneitute hnenah an lungawi loh thu an sawi. Thenkhat chuan he luxurious building management lam pawh an dem hle thu an sawi bawk.
Anhmeltha hlom sia,ka khawngaih e
kan lawm lutuk e