Your Daily News

Myanmar Police-ten Baptist Church Luhchilhin Biakin An Suasam Hnuah Pastor Tiamin Mi 14 An Man

0 923

A ni telin Myanmar sipai leh police-te chu an inluling chho mek zel a, Kachin ram, Lasho khuaah Kachin Baptist Church luhchilhin biak in an suasam tih hriat a ni. Biak in gate pui leh kawngkhar tichhiain, Pastor bakah staff telin mi 14 an man tih an sawi.

Nimin zing dar 9 velah khan Lasho thalai pawlte chuan sipai sawrkar dodalna kawng an zawh a, Police-ten an thil tih chu rawn chhang letin, kut an thlak bakah an chil zui tih hriat a ni. Mipui lam pawh an ngawih bik mai loh avangin boruak a sosang hman hle a ni.

Police-te chetdan chu a rum ta deuh a kawngzawh mi thenkhatte chu Biak in lamah hian an tlandarh zui a, police-ten heng mite hi an zawng chhunzawm ta a ni.

Biak in lam pana tlanchhiate chu an um zui nghal a, Biak kawngkhar an tihchhiat hnuah a chhunga awm mi thenkhatte chu an man zui ta a ni. Tawngtaipui an mamawh hle.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!