Myanmar ram tana UNO human right special palai Ms Yang Hi Lee chuan Bangladesh sorkarin an mikhual mek Rohingya refuggete a dah tumna Bhashan Char khawmual chu nimin January 24 khan a han tlawh a ni.
Bangladesh foreign affair a thuneitute leh Miss Yangite chu Helicopterin Bhasha Char khawmual chu an kal a, Rohingyate khawsakna tur hmuna an in sakte an en vel tiin AFP chuan a sawi.
Miss Yangin a tum lawk ang ngeiin Myanmar thenawm Thailand leh Bangladesh ramah ni 11 a cham a, vawin a ni hnuhnungber January 25 hian Bangladesh khawpui Dhaka-ah a kal ang. Myanmar time 5:30 pm, Bangladesh time 3:00 pm ah Dhaka, La Meridien hotelah mediate hmaah a inlan dawn a ni.
Miss Yangi hian tun tuma a thil tawnhriat zawng zawngte hi March thlaah hian UNHCR meeting vawi 40 na an neih hunah a report dawn a ni.
source ‘VOA’
