Mopain A Nupui Neih Laiin A Thianpa (Best man) Leh Monu Mipathmeichhiatna Hmandun Lai Thlalak Mipui Hmuhah A Tlangzarh
Mopa thinrimin a nupui neihna hmunah inneih thusawi a hman laiin, a nupui (monu) chu a thianpa (best man) lakah a rinawmlohdan huai takin a puang chhuak tih an sawi.
He inneihna boruak chiri tak chungchang leh thil thlendan chu Unfiltered Bride podcast ah tarlangin, UK wedding planner Georgina leh Beth ten an host a, an thil hmuh leh hriat chu an ring thei lo hial a ni.
Mopain a nupui tur (monu) chetdan a puanchhuahdan chu a zahthlak tih piahlam a ni a, wedding speech a hman mek lai chuan monu leh a nupui neih laia amah dinpuitu a thianpa te chu mipathmeichhiatna an hmandun lai thlalak inneih chhimtute hmaah a pholang zui a ni.
“Vawiin hian awmze neia hun bul tan ka duh a ni. He lehkha ip hi in hawng a nih ngat chuan a chhungah hian best man leh monu mipathmeichhiatna an hmangdun lai thlalak in hmu ang. Ka kal tawh ang e!” tiin monu chetchhiatna chu mipui hmaah a puang darh ta a ni.
Unfiltered Bride Tik Tok page-ah he thil thleng duhawm lo tak clip phochhuah a nia, an chanchin hian likes leh comments a dawng nasa hle tih an sawi.
