Your Daily News

Mopa In Inneih Nia Monu Hak Tur Bra A Lei Tet Êm Avangin, An Inneihna Tih Tâwp A Ni

0 453

Pa pakhat chuan a nupui neih niah monu haktur Bra a lei tet em avangin, monu in an inneihna a pawtchat tih hriat a ni.

SMCP in a tarlan danin China, Guizhou Province-ah inneihna ruai ropui tak mai theh tumin an inbuatsaih mup mup tih tarlangin, thianthate leh chhung leh khatte pawh inneihna chhim turin an inpeih thawkhat tih a tarlang.

Mopa, Yang tia koh chuan a nupui ni mai tur nula Luo tan Bra a leisak a, a thil leisak chuan boruak tha a siam dawn emaw tihnak laiin, monu nen a thenhrang ta zawk a ni.

Wedding reception kaihhruaitu chuan he thil duhawm lo tak thlendan kimchang chu inneih chhimtu mipui pungkhawm hmaa a sawifiah a, inneihna thulh a nih hnua, monu leh mopa inhmachhawn zui lai video chu Chinese social media lamah a darh nasa hle.

Monu Luo chuan Chinese media lamah a sawi danin, a pasal tur mopa in Bra te lutuk mai a leisak chu inthamlohna leh inzahlohna ah a ngaih thu a tarlang bawk. A sawidanin, Yang chuan a size chu a hre nachungin Bra te lutuk chu a thlansak a ni a ti.

Monu chhungte lam sawidanin inneih ni a hnai deuh deuh a, Yang leh Luo-te hian buaina neuh neuh an nei chho tih tarlangin, an boruak tichhe zual turin Bra te em em mai Yang in a lei zui a, hei hian inthenna a thlen zui ta tih an sawi a ni.

An inneihna thulh leh a nih tak avang hian monu Luo chhungte lam chuan inneihna senso 88,000 Yuan chu mopa Yang chhungte hnenah an pe kir ve leh ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!