October 8, 2021 liam ta khan China ram, Jiangshu Province-ah inneihna ropui taka buatsaih a ni a, he monu leh mopa inkutsuihna hmunah hian thil mak danglam tak a thleng ta tlat mai a, Xuzhu khawpuia cheng mipuite pawh chuan mak an ti hle a ni.
Monu leh mopa inkutsuih zawh chuan inneihna chhimtu thiantha te leh chhung leh khatten mo leh a pasal hnenah inneih thil pek an hlan a, hetih lai tak hian pa pakhat rawn lutin monu hmaah tak a thingthi a, zungbun a buntir ta tlat mai a, inneihna hmuna lo awm ve midangte pawh chuan mak an ti hle. Mopa ngei pawhin a ngaihna a hriat loh thu a sawringawt mai ani.
Monu erawh a zak viau nachungin hawihawm takin a lo chhawn a, an video chu online lamah darh zuiin, titi titamtu ber pakhat a tling a ni.
Online lamah mo leh a pasal inkara thil thleng chu an la vung ang reng phian mai a, mi thenkhatte chuan “Monu a ruksak a ni mai lo maw” te tiin, inhnialna a chawkchhuak nasa tih an sawi.
Tianga monu leh mopa inkara thil thleng chungchangah hian miten thudik hria se tih duhna avangin, monu zungbun petu pa chuan tiang hian sawifiahna a nei zui ta a ni.
Monu zungbun petu hi Mopa thian tha tak a ni a, a thianpa nupui chu zungbun pek tumin dawhsanah a lawn theih loh avangin, engtia pek tur nge tih pawh a hriatloh thu a sawi a, a hnuah a pe ta mai a ni a ti. Zungbun a buntir avang hian an inkarah eng harsatna mah a awm lo a tih a tarlang tel bawk a ni.
