MMA INFIAM MI SUAM A TUM A, A TI FUH LO HLE
Suamhmang pakhat chuan Brazil nu la Polyana Viana kum 26 chu silai a tinin suam a tum a mahse a che fuh lo hle a ni.
The Iron lady ti a hriat lar Polyana Viana chu January ni 5 khan a chenna building hnuai a parking hmunah suamhmang pakhat chuan silai a tinin engmah sawi lo a, a mobile chu pe turin a vo a ni. Mahse Polyana Viana’i chuan suamhmang silai ken chu a lem tih a hriat hnuah rang takin a che a, amah suam tumtu chu a pet a, a hnek bawka leiah a bawh bet rup mai a ni.
Polyana Viana hi MMA infiam mi a ni a, kungfu, karate leh boxing a thiam hle a ni. Khawvelin The Iron lady tih hiala hriat lar suam tum chu a fuh lo khawp ang le.