Your Daily News

Mithi Vuinaah Mask A Vuah Loh Avangin An Kaphlum

0 1,188

Tunlai khawvel kalphung chu kalphung thar a ni tih kan hriat theuh angin, COVID-19 hrileng avangin mask vuah lo chuan khawiahmah vahchhuah phal a ni lo. Kan him zawk nan thuneitute dan zam kan zawm a tul hle bawk.

Southern Thailand, Nakhon Si Thamarat Province-ah pa pakhat, kum upa tawh lam chuan mithi vuina hmuna lo tel ve pa pakhat kum 50 mi chu mask a vuah loh avangin silaiin a kaphlum tih an sawi.

Police-te sawidanin, Chaweng district mithi vuina hmunah, Mr Jumneam Sri-on kum 73 a upa chuan Samran Tawai kum 50 mi chu mithi vuina ah mask a vuah loh avangin silaiin a kaphlum tih an sawi. Silai kah tuartu Samran leh Jumneam-te hi mask vuah leh vuah loh chungchangah mithi vuina neih laiin an inhnialbuaia, silai inkahna rapthlak tak chu a thlen phah ta a ni.

Police lam hotu liante sawidan chuan Samran leh Jumneam-te hi a hmain mimal thilah buaina an nei nual niin a sawi thung. An buaina chipchiar tak erawh mimal thil a nih angin, an hre vek seng lo a ti a ni.

Mita hmutute sawidanin, Samran chuan Jumneam hnenah “Silai i ak satliah ringawt a, i hmet puak ngam silo dawizep lutuk” tiin tawngkamin a deusawh a, Mr Jumneam thinrim chuan a silai phawrhin a kap zui ta a ni.

Jumneam chuan silai hmanga mi a kahhlum avangin thubuai siamsak a ni a, thiamloh a chang a nih chuan damchhung tang tur a hrem a ni dawn tih an sawi.

Ref: CTN News

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!