Your Daily News

Misualten A Chenna In Rawkin A Thil Neih Leh A Sum 10 Million Zet Laksak Mahse, Miten Amah Zawk An Sawisel Thung

0 1,008

Hong Kong khawpuia khawsa nu pakhat kum 25 mi So Mei-yan chu hmeichhe lar tak a nia, fapa thla 6 mi pawmlai a nei tih an sawi. A hmel a thain a hausa hle a, online lamah pawh a larin mite hriat a hlawh hle.

Zankhat chu an muthilh laiin misual 3 ten an kawngka an va khawng ri a, a security pakhat chuan kawngkhar a va hawnga, kawngka bulah mai chuan misual 3 an lo ding rân mai a ni.

Misualte chu chemte leh hriamhrei kengin room-ah an luta, So Mei-yan chu a kut an phuarbet nghal a, a sum leh rothil hlute chu a dahna a sawiloh chuan a fapa an thatsak dawn bakah amah pawh an dahtha nghal dawn a ni tiin an vau zui bawk.

A kut an phuar chung chuan a pawisa dahna an zawt a, So Mei-yan chuan sum a neilo tih sawiin, misual zinga pakhat chuan a hnek zawt maia a hlauh em avangin an duh duh la turin a hrilh ta ringawta, a sum leh thil hlu dangte chu an laksak hnuah an tlanbo ta a ni.

So Mei-yan chuan Cheung Sha Wan police station lamah thubuai a thehlut nghala, rukru mi 3-te chu an zawng mek tih hriat a ni. So Mei-yan chuan police hnenah hmelhriat loh chu tumah inchhungah luhtir lo turin security-te a hrilh tih sawiin an luhtir leh thin a ti a ni.

A sum Hong Kong Dollars 10 million zet an laksak tih police hnenah a sawia mahse, online lamah netizen-te chuan amah zawk chu nasa takin an sawisel thung. A chhan pawh a neih sum leh ro hlu tak takte online lamah a pholang fo a, a tawpah chuan misualten an rawk phah ta a ni an ti ve bawk.

“Nangma thiamloh a ni. Hmelhriatlohte ruk ruk chakna thinlung neihtirtu i ni” tiin comment an pe zui bawk. Online lama neihnun zia leh nawmsakzia pholan fo chu thil thalo tak a ni tiin an sawi a ni. A thente phei chuan “Pawngsual i tuar lo kha i vannei e” an ti a ni.

Tawngkam uluk lo fal deuhte chuan “Pawngsual chi tak i ni maw le” an lo ti chhen bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!