Your Daily News

Misual Ruaia A Pasal Hlui Thahtirtu Nu Duhâm Police-ten An Man

0 2,345

Thailand ram, Chiang Mai nu pakhat Kum 63 mi Bualoi Tala chu a pasal hlui that tura misual a rawih avangin police-ten an man.

He hmeichhe chetdan hi an chhui zui nghala, a pasal hlui that tura misual a rawihna chhan ber pawh a Life insuarance sum a it vang niin an sawi.

Police sawidanin kum 58 a upa Thongmarn, Bualoi Tala pasal hlui chu, kar hmasa khan a ruang chhar niin, a hmai leh a nghawngah chemte hmanga zaina hnuhma hmuh a nih thu an sawi a ni.

Tualthattu tura a mi rawih Pankaew Khankaew kum 48 mi chu police hmaah inpuang tih an sawia, phone call record an chhuina atanga a landanin Bualoi Tala kum 63 a upa chuan a pasal that turin Pankaew Khankaew chu a ruai ngei a ni tih an nemnghet bawk.

A pasal a tihhlum avang hian sum thahnem tak a nei thei dawn tih sawiin a pasal chu mi a thahtir ta mai a ni tih The Nation Thailand chuan a tarlang.

Bualoi chuan police-te a hrilh danin a pasal chu that tak tak a duh lo tih a sawia, na taka a pasal hlui sawisa turin 40,000 baht in misual a ruai tih a sawi. A nunna em chu lak a duhlo tih sawiin, a pasal atan englai pawhin a pawm reng thei a ti a ni.

Tualthattu leh a tirtu Bualoi Tala chu police-ten hremna na tak pek an ni dawn tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!