Your Daily News

Mipui Thahnem Tak Pungkhawmten Hmeichhe Tik Toker An Hmanchhawn Dan Hian Sawi A Hlawh

0 1,281

Pakistan metropolitan city Lahore, Minar-e-Pakistan hmunah mipa rual pungkhawm thahnem takte chuan hmeichhe Tik Toker pakhat chu a inrinloh hlanin an bawh chiam tih hriat a ni.

He thil duhawm lo tak hi Pakistan Independence Day ni, August 14 a thleng niin he video hi khawvel pumah social media lamah a darh zui tih an sawi.

Mipui pungkhawmten an chhaihbuai avang hian hmeichhe Tik Toker chuan Lorry Adda Police Station lamah complaint a theh lut nghal tih an sawi a ni.

Pakistan media outlet Dawn News in a tarlan danin, hmeichhe Tik Toker leh a thian mi 6 te chu Independence Day ni hian video shoot turin monument lamah an kal a, mipui pungkhawm mi 400- 600 vel chuan vawi lehkhatah an bawh ta thut mai a ni.

Videoa a landanin hmeichhe Tik Toker chu mipa thahnem takin an hual rup maia, hmun laili lamah a zakah chelhin mi pakhatin a thehpheia, an taksa an khawihsak bakah a thawmhnaw thlengin an pawhthlersak tih an sawi.

Hmeichhia hian complaint a thehluhnaah, mipui zing atang hian tal chhuah a tum nasa a, a thei hlawl lo a ti a ni. Mipui pungkhawmte hian theih tawpin an nama, a thawmhnaw pawh an pawtthlersak vek tih a sawi lang bawk.

Mi thenkhatten hmeichhe lainatawm tak hi puih an tum thin a, amah hualbettu mipui an thahnem em avangin amah an pawh hleitheilo a ni. Tianga an bawhbuai lai hian mi tu tih hriat lohten a bengbeh leh banbunte an ruksak tih a sawi lang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!