US, North Carolina webcam model leh Influencer Rebekka Blue sawidanin, a ke chu mipaten an âtchilh tlat tih sawiin, a ke rahna tiau vaivut atang ringawt pawha sum a hailuh nasat thu a sawi.
Rebekka Blue chuan a ke rahna tiau vaivut tiamin, a designer shoes bakah a ke enkawlna hmanrua leh a mawza bun thlalak te chu online lamah a hralh thin a, heng thilte atang hian thlatin customer pakhat zelah sum $2500 zet a la lut ziah thin a ti a ni.
Hei bakah hian mak tak maiin, Rebekka Blue mawza bun tawh sa, a ke silna tui, foot scrubbers, foof peels, toenails clipping, toe hair etc..te chu amah ngaisangtu customers ten an lei duh zel mai a, heng thil te hi $25 – $500 thlengin a tiral hmiah hmiah zel mai a ni. Beach a rahna tiauvut pawh sumah a chantir zel mai a ni.
College degree sang tak nei lo mah se Rebekka chuan a sumdawnna chu chhuanawm a tih thu sawiin, he sumdawnna kalpui tur hian hun bak engmah mamawh a nei lo tih a sawi.
Amah ngaisanga lo dawr thintute nen thinlung leh rilru lamah inzawmna thuk tak an neih thu a sawi a, a clients ten an treat danah a lawm thu sawiin, zah tak chungin an indawr thin a ti a ni.
