Your Daily News

Mihring Zukhlumtu Khuai Lian Chi-ten US An Pan Mek Tih Hriat Niin Mi Tam Tak An Ralṭi Hle

0 4,622

Asia rama khuai lian chi Mizo-ten khuaibel kan tih mai (murder hornet) thahnem zet chuan Washington State lam an pan mek tih hriat a nia, tunah hian Canada ramri an thleng tawh niin an sawi.

He thil thleng hian ram mipuite bakah lo neitute leh industry lama hnathawk mekte a tiral ṭi hle tih state Agriculture officialte chuan an sawi.

Mi zukna atana a hmanrua hman stinging Vespa Mandarinia (a zang) hi 6.35cm a sei niin Southeast Asia, China leh Taiwan ramte hi an lo chhuahna a ni tih hriat a ni. December thla khan mi pakhatin Blaine ah a hmuh thu Sven-Erik Spichiger, managing entimologist, Washington state agriculture department a mi chuan a tarlang.

Heng Asian hornet khuai tur chak lutuk hi a taksa a len bawk avangin vawi tam tak a zuk thei chea, an vawikhat zuk ah pawh tur thihna khawp tling i taksaah an hnutchhiat thei reng a ni tih Spichiger chuan a sawi. An tur hi a chak em avangin an mi zukna hnuhma mihring taksa chu a sawm hneh hle tih a sawi bawk.

Heng Asian Hornet rualte hi mihring tan an hlauhawm mai piahlamah lo nei mite leh eizawnna atana khuai khawi thinte tan pawh a hlauhawm thei niin an sawia, a chhan chu heng khuaite hian khuai zu siam thinho aia te zawkte chu beiin an that mai thin a ni. Washington Agriculture department website in a tarlanin heng Asian hornet te hian khuaizu siam thin ho chu sehhlumin an zu chu an note-te chawm nan an hmang hlauh thin tih a tarlang.

Pollination hi US ahriculture tikaltu thil pawimawh tak a nia, tianga an ram an run a nih ngat chuan loneitute tan buaina nasa tak a thleng ngei dawn niin Spichiger chuan a tarlang bawk. Hmanni lawk pawh khan Southern Shannxi ah mi 28 lai a zukhlum tih an sawi bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!