Your Daily News

Mihausa Tawntaw Jeff Bezos Bialnu Leh Actor Leonardo DiCaprio-a te An Inmelh No Lai Video Hian Internet Lamah Sawi A Hlawh Tak Zet!

0 1,477

Khawvela huapa hausak lama 2 na dinhmun hauh pha Amazon company Boss Jeff Bezos leh a bialnu Lauren Sanchez leh Actor Leonardo DiCaprio te hmaichhana an intawh laia, Jeff bialnu chetdan leh a hawiher lanna video hian social media lamah inhnialna a chawkchhuak zui tih hriat a ni.

Leonardo DiCaprio leh Jeff Bezos bialnu Lauren Sanchez te chu Jeff Bezos mit hmuhah ngei inbiangbiakna an nei a, Lauren Sanchez chuan Titanic star Leonardo chu ngaihsan hmel pu takin a chho en vah maia, an 2 a an inbiak lai lo thlir chu Bezos tan thil nuam tehchiam a nilo a ni.

Leonardo DiCaprio, Jeff Bezos leh a bialnu duat lai Lauren Sanchez te chu 10th Annual Los Angeles County Museum of Art (LACMA) ah an 3 hian an intawng hlawl mai a, hetih laia Leonardo hmaa Jeff Bezos bialnu chetdan chuan sawi a hlawh chho hle a ni.

Amazon Founder leh executive chairman lo ni tawh Jeff Bezos hi khawvela pa hausa ber pawla chhal ngam niin, a neih hlut zawng hi 177 Billion a tling pha a ni.

Actor Leonardo DiCaprio leh Jeff Bezos bialnu Lauren Sanchez te intawh lai video chu social media lamah a darh zuia, ngaihdan chi hnih lo piang chhuak nghalin, Lauren Sanchez chuan a bialpa Jeff nge a idol en a actor Leonardo zawk tih chu mite inhnialna titamtu ber a ni. A chhan pawh a cheziaah hian Lauren Sanchez chuan Leonardo chu a ngaihsan hmel zawk tlat vang a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!