Your Daily News

Midangin An Fa Atana An Leichhawn Rawlthar Kum 17 Mi Chu A Nu Leh Pa Diktakin Vawi 2 An Hnawl Hnuah Rilru Nâin A Intihlum!

0 2,071

Chinese rawlthar lar lainatawm tak, midangten fa atana an leichhawn chu amah hringtu nu leh pa ten vawi 2 a zawn a an hnawl hnuah rilru nâin a intihlum tih an sawi. Chinese rawlthar kum 17 a upa hian social media kaltlangin a chhungte a zawnhmuh leh theih nan mite hnenah puihna a dil a, amah hi midangin fa atan an la a ni.

Rawlthar TikToker hmingthang tak Liu Xuezhou kum 17 mi chuan amah hringtu nu peh pa dik tak social media kaltlangin a zawng a, Chinese social media lar Douyin leh Weibo lamah 2004- 2006 inkara piang a nih thu a tarlang a ni.

Kum 4 mi lek a nih laiin Liu Xuezhou chu a nu leh pa ten midang hnenah an hralh a, amah lo leitu a nu leh pa te chu vanduaithlak takin an in kang avangin an boral zui tih an sawi. Tianga vanduaina a tawh hnu hian a pi leh pu hnenah a kir leh ta a ni.

December 2021 liam ta khan Liu chuan amah hringtu a nu leh pa dik tak awmna a hriatchhuah tawh thu chu hlim tak leh uang takin social media lamah a post a mahse, a nu leh pa hmuh tuma a inbuatsaihna leh a beiseina te chu engmah loah a chang ta thung a a ni.

South China Morning Post in a tarlan danin, Liu chuan amah hringtu a nu leh pa te chu vawi 2 ngawt mai panin an hnenah khawsak a dil a, a vawi 2 in an lo hnawl ta a ni. Tianga mahni fahrin ni reng si, a nu leh pa ten an lo hnawl ta mai chu a rilru a na hle a, social media kaltlangin a rilru natna a sawichhuah hnuah ama nunna lain a intihlum zui ta a ni. A lainatawm hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!