Your Daily News

Mi Thilphal The Rock ‘Dwayne Johnson-a’n’ A Fans Zinga A Mi Ngaihsan Chu Hming Hmera Kochhuakin Thil Ropui Tak A Tihsak!

0 1,791

Khawvel huapa American pa lar The Rock ‘Dwayne Johnson’ chuan amah ngaisangtu a fan te zinga pa pakhat chu ama kawl lai ngei mai Custom truck a thlawna pein, a surprise thut tih hriat a ni.

The Rock chuan ama lemchanna movie tih chhuah hnuhnun ber ‘Red Notice’ chu Cinema hall-ah tihchhuah a nih dawnin, screen hmaah a dingchhuak a, Navy Veteran Oscar Rodriguez chu a hming hmer meuhin a ko chhuak tih an sawi a ni.

Oscar chu Cinema hall, a thutna atang chuan a lo chhuak a, The Rock chuan Oscar hnenah a lawmzia lantir nan ama custom truck mawi lutuk tak mai chu a thlawnin a pe ta a ni. Tianga Custom Truck manto tak mai a pekna chhan ber pawh lawmthu sawi nana ti a nih thu a sawi a, Navy lo tang tawk Oscar Rodriguez chu ram tana a thawhhlawkzia leh tualchhung Kohhran ho tana a thiltih te bakah hmeichhe pawngnekna leh inchhungkhur hleilenna tuarte lo kuangkuaha, a lo tanpui thindante chu ropui a tih em avangin he thil thlawnpek hi a pe ta a ni tih a sawi.

Hengte bakah hian Oscar Rodriguez chuan a nu kum 75 hmang mek chu tha tak leh duat takin a enkawl thin a ni.

The Rock chuan, a tir lamah lawmthu hrilh nan a film channa ‘Red Notice’ a car khalh ngei mai Porsche Taycan chu Oscar hnenah pek a tum zet a, lei tur a hmuh remchan mai loh avangin ama custom truck ngei mai, uluk taka a enkawl chu a pe ta a ni.

The Rocka’n thil pek a pek hma hian Oscar hnenah lehkha pein chhiarchhuahsak turin a ngen a, a truck mawi zet chu duhtawka a khalh atan a hnenah a pek tawh thu a hrilh a ni.

Oscar pawhin The Rock hnen atanga thilpek a dawn chu ropui a tih thu leh sawi ngaihna a hriat loh thu a sawi a, amah ngei pawh englai pawha The Rock hnungzuitu leh a nundan zir thin mi a nih thin thu leh a followers te zinga pakhat a nih thu a sawi.

A tawngkam tawpa The Rock chuan “He thil pek tlawm tak hi midang tan hlimna tlemte tal thlentu a nih beiseiin leh ka truck aia ropui zawk leh chawimawi phu zawk hnenah ka pe a ni” tiin a sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!