Your Daily News

Mi Pawngsual Tuma A Beihna Lamah Hmeichhe Bialpa Chuan Phuba La Letin A Zahmawh Leh A Til 2 A Hlehthlaksak Hnuah Vawk A Pe Zui

0 933

Brazil ramah pa pakhat chuan an chhung leh khat hnaivai hmeichhe pakhat pawngsual a tumna lamah a zahmawh leh a tilmu 2 a chan der tih hriat a ni.

Pawngsual tumtu kum 36 a upa, official taka a hming tarlan loh chuan an chhungkhat laina hnai hmeichhia kum 20 mi pawngsual tumin a bei a, he a chetdan hian Brazil ram hmarlam, Olhos D’Agua municipality a chengte chu a tithinrim hle tih an sawi.

Pawngsual tumtu kum 36 a upa chuan hun tha bihin a unau fanu kum 20 a upa chu an chenna inah pawngsual tumin a beia, a hlawhtlin loh avangin in lamah a hawa, zu a in hnuah a muthlu zui tih an sawi ani.

Hmeichhe bialpa leh a cousin chuan thil thleng chungchang chu an hriat veleh an thin a rim ngang maia, phuba lak dan kawng dapin pawngsual tumtu chu fing takin April 19 khan fu huan kalpuiah an sawm ve nghal a, fu huan a lo thlen chuan mi 2 te chuan lo bei nghalin a zahmawh leh a tilmu 2 an hlehthlaksaka vawk an pe zui ta ani.

Engtin tin emaw he pawngsual tumtu pa hi a lo tal chhuak hlauh maia, a thisen a chhuah nasat avangin damdawi lam mithiamte a koh nghal tih an sawi. Doctor-te chuan a thisen chhuak chu tih tawpsakin Doutor Gil Alves Municipal Hospital, Bocaiuva Hospital lamah Ambulance in an dah phei leh ta a ni.

Surgeons te chuan a zahmawh chu tan bun tawp a nih avangin a hliam enkawl bak siamthatsak ngaihna an hriat loh thu an sawia, Police Officer Stephan de Silva pawhin zahmawh bung leh a til chu an melh fe pawhin an zawng hmu thei lo tih a sawi ve bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!