Your Daily News

Video|Mi Nu Nen An Mutdun Lai Manchhuah A Nih Hnuah A Kut An Phuara, Bâwmah Khungin Luiah An Paihlut

0 2,066

China ramah pa pakhat chu minu nen mipathmeichhiatna an hman lai an man thut maia, a kut an phuar hnuah vawk khungna bâwm (vawk âwt) ah an khungbeta luiah an paih tih hriat a ni.

Sin Chew Daily in a tarlan danin, he thil thleng dangdai tak hi Guangdong Province, Dianbai District a thleng niin Zirtawpni liam ta (November 20) atang khan internet lamah a darh nasa hle. He pa hi an man lai hian thawmhnaw dang ha miah loin, kekawrte nen khumah hmuh a nia, khum ah thisen far hmuh a nih bakah a hnar thi chhuak khawpin kut an thlak zui bawk.

He mipathmeichhiatna lam hawia pawikhawihna ah hian mipa dang 3 pawh an tel ve niin an sawia, amah man chhuaktute chuan na takin an hau zui bawk. A kut an phuar nghala, vawk khungna bâwmah khungin an tawn phui ta nghal a ni.

An man lai hian a chungah zahngai tura ngenin a au nasa hle a mahse, tumahin an ngaihthla duh lo tih an sawi.

He thil thleng chungchang hi Moaming City Police-te beng a thleng nghal thuaia, pawikhawihtu hi a thih hmain an chhan hman hlauh a ni. Police-te chuan he thil thleng hi chhui chian a nih tur thu an sawi. Minu nena a ruka lo mudun an mi man hian hliam a tuar na lutuk lo niin an sawi.

Heng ang inhremna hi hmanlai in China ramah hian an lo ching tawh thin a, nupa tuak a tu emaw zawk zawk uire lai an mante chu vawk khungna bâwm an tah ah khungin luiah an paih thin a ni. Tiang hian nupa sualna lama inhnamhnawihna nei leh uire chingte chu an hrem thina, an thih thleng rapin an sawisa thin tih an sawi ani. (VIDEO)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!